კომპანია „ჩირინას“ ხილის პროდუქცია ბაზარზე წარმოდგენილია ბრენდი „პომონოს“ სახით. ბრენდი მოიცავს 10 ჯიშის ვაშლს და 2 ჯიშის მსხალს. „ჩირინამ“ ჰოლანდიიდან და გერმანიიდან შემოიტანა 10 ყველაზე პოპულარული ვაშლისა და 2 მსხლის ჯიშის ნერგი, რითაც ქართველ მომხმარებელს საშუალება მისცა შეიძინოს ქართულ მიწაზე მოყვანილი საერთაშორისო სტანდარტების მქონე ხილი. ჰოლანდიური და გერმანული ჯიშის ვაშლისა და მსხლის ნერგები გაშენებულია კომპანია “ჩირინას” ფერმერულ კომპლექსში, სოფელ მარტყოფის მიმდებარედ. ბაღები უზრუნველყოფილია წვეთოვანი საირიგაციო და სეტყვისგან დამცავი სისტემებით.